Agnar Tr. Le'Macks tekur sæti í stjórn Hugsmiðjunnar
Ný stjórn Hugsmiðjunnar kjörin
Á nýafstöðnum aðalfundi Hugsmiðjunnar ehf. tók Agnar Tr. Le'Macks sæti í stjórn félagsins. Þá voru Ragnheiður Agnarsdóttir og Margeir Steinar Ingólfsson endurkjörin.
Agnar býr að mikilli reynslu í stefnumótun, nýsköpun og ráðgjöf. Hann er frumkvöðull í matvælaframleiðslu og tækniþróun auk þess að þekkja frá fyrstu hendi þróunina frá hefðbundinni auglýsingagerð til nútíma markaðssetningar.
Agnar er stjórnarformaður samskiptafélagsins Aton.JL & ráðgjafi og einn stofnenda Good Good Natural Sweetness. Hann situr einnig í stjórn Fjártækniklasans & Brandr og er formaður verkefnisstjórnar um markaðsátakið Ísland - saman í sókn.
Ragnheiður Agnarsdóttir er með meistaragráðu í mannauðsstjórnun frá Háskóla Íslands og býr yfir víðtækri stjórnunarreynslu. Hún var áður framkvæmdastjóri hjá Tryggingamiðstöðinni og átti þar í góðu samstarfi við Hugsmiðjuna. Ragnheiður býr því yfir verðmætri innsýn í væntingar og viðhorf viðskiptavina fyrirtækisins.
Auk þeirra er Margeir Steinar Ingólfsson stjórnarformaður. Margeir hefur starfað í Hugsmiðjunni frá stofnun félagsins og fer í dag fyrir ráðgjafahópi fyrirtækisins og viðskiptaþróun. Hann er einnig í eigendahópi Hugsmiðjunnar.
„Það er mikill fengur að fá Agnar inn í stjórnina, það er okkar trú að reynsla hans og innsýn á rekstri markaðs og hönnunar fyrirtækja muni nýtast okkur afskaplega vel. Enda krefst nútíma markaðssetning og þjónusta stefnumarkandi hugsunar með áherslu á samspil hönnunar og tækni.“
segir Ragnheiður Þorleifsdóttir framkvæmdastjóri Hugsmiðjunnar.
