Hönnun og mörkun

Skýr sýn, fagurfræðileg nálgun og sjónræn skilaboð skapa sérstöðu fyrir þitt vörumerki.

Hvers vegna?

Vörumerkið er miklu meira en bara lógó – það er loforð til þinna viðskiptavina. Góð hönnun og skýr mörkun eykur trúverðugleika, aðgreinir þig frá samkeppninni og styrkir tengsl við þína notendur.

Hvernig?

Við greinum markmið þín, sérstöðu og gildi vörumerkisins. Þannig kortleggjum við markhópa og mótum auðkenni sem skapar sterk tengsl.

Við hönnum sjónræna ásýnd sem talar beint til réttra viðskiptavina með vönduðum grafískum lausnum. Með prófunum tryggjum við að vörumerkið virki í öllum miðlum áður en það er innleitt.

Leiðin að árangri

Skiljum þitt vörumerki

Við rýnum í markmið, gildi og sérstöðu vörumerkisins til að tryggja að allt sem við hönnum hafi skýran tilgang.

Markhópagreining

Við kortleggjum markhópa, greinum þarfir og væntingar og byggjum vörumerkið upp með raunverulegri innsýn.

Mótun auðkennis

Með skapandi aðferðum þróum við auðkenni, litapallettur, leturgerðir og sjónræna ásýnd sem tala til réttra viðskiptavina.

Hönnun og útfærsla

Við færum hugmyndirnar í framkvæmd með vönduðum grafískum lausnum, stafrænu efni og sjónrænum frásögnum sem styrkja ímynd vörumerkisins.

Prófanir og betrumbætur

Við prófum og fínstillum vörumerkið fyrir mismunandi miðla til að tryggja að það skili réttum skilaboðum og skapi sterka tengingu við markhópinn.

Útgáfa

Við tryggjum að vörumerkið sé innleitt á öllum miðlum með skýrri stefnu, samræmdu efni og árangursríkri framsetningu.

„Við hönnum fyrir fólk. Okkar aðalmarkmið er að notendur þurfi ekkert að hugsa heldur séu leiddir áfram áreynslulaust. Með það í huga viljum við alltaf að hönnun láti efnið skína og sé falleg, með gott jafnvægi og eftirtektarverð. Alveg niður í minnstu smáatriði.“
Birna Bryndís Þorkelsdóttir, listrænn stjórnandi Hugsmiðjunnar

Af hverju skiptir þetta máli?

Sterk mörkun og vönduð hönnun skapa ekki bara fallega ásýnd – heldur móta upplifun viðskiptavina, styðja við stefnu fyrirtækisins og hafa bein áhrif á árangur. Þegar vörumerkið er skýrt, samræmt og eftirminnilegt, byggir það upp traust, tryggð og langtíma vöxt.